VOV4.Êđê- Mnư̆ jŭm dar anôk bruă kƀĭn ala Mi srăng dưi lŏ mdơ̆ng kñăm pioh kơ bruă Khua mil čhil Joe Biden dlăng hră hŏng phung ƀuôn sang hlăm hruê 1 mlan 3 kơ anăp. Khua kahan ksiêm bruă kƀĭn ala, Tom Manger bi mklă sa tal mnư̆ msei kwang hlăm lam srăng dưi dăp riêng gah anôk bruă kƀĭn ala Mi, ƀri gưl Khua mil čhil dlăng hră hŏng phung ƀuôn sang ti anăp dua anôk bruă kƀĭn ala Mi. Manger mñă klă, bruă klam mơ̆ng kahan ksiêm bruă kƀĭn ala jing răng mgang phung ngă bruă kƀĭn ala, anôk bruă kƀĭn ala Mi.  Mơ̆ng mmông Khua mil čhil Joe Biden dlăng hră hŏng phung ƀuôn sang leh anăn năng ai mâo klei ngă la griâo hlăm dŭm hruê kăm kơ anăp, kahan ksiêm bruă kƀĭn ala mă leh bruă tliêr kjăp, kñăm gang mkhư̆ djăp klei bi kpăk hŏng bruă ngă mơ̆ng Bruă kƀĭn ala.

Pô mblang: H’Zawut Ƀuôn Yă