VOV4.Êđê - Hlăm klei hriê čhưn ti Việt Nam mơ̆ng hrue 14 – 20/3, hlue si asăp Khua lăn čar Nguyễn Xuân Phúc lehanăn mô̆ ñu jak iêo, aguah mbrue (15/3) Khua mil čhil Julius Maada Bio lehanăn mô̆ gơ̆ mbĭt hŏng êpul khua prŏng ala čar Sierra Leone nao dưm leh kwang mnga, nao čuă msat khua gĭt gai Hồ Chí Minh, nao dưm kwang mnga ti knưng bi hdơr kơ phung jhŏng ktang êngiă asei.

Tui si hdră, Khua lăn čar Nguyễn Xuân Phúc lehanăn khua mil čhil Julius Maada Bio srăng trông čhai, lehanăn dlăng klei kuôl kă hră mơar dua ala čar. Leh kơ anăn, Khua mil čhil Julius Maada Bio srăng bi tuôm hŏng khua knŭk kna Phạm Minh Chính, Khua bruă kƀĭn ala Vương Đình Huệ. Klei hriê čhưn kơ Việt Nam tal anei mơ̆ng khua mil čhil Sierra Leone jing klei bi mjĕ êrô phung khua prŏng dua ala čar, jing leh klei đĭ kyar jăk plah wah dua nah êjai dŭm ala čar Afrĭk, hlăm anăn mâo Sierra Loene bi myuôm klei mjĕ mgiăm hgŭm mbĭt hŏng dŭm ala čar ti Asi – Pacific, hlăm anăn mâo Việt Nam./.

Y-Khem pô mblang