Khua phat kđi yang ƀuôn gưl dlông Nguyễn Văn Quảng bi tuôm hŏng mnuih ƀuôn sang ti Lâm Đồng êlâo kơ klei ruah khua
Thứ hai, 11:25, 02/03/2026
Pô mblang: Y-Khem Niê
Pô mblang: Y-Khem Niê
VOV.Êđê - Khua knơ̆ng kiă kriê sang phat kđi yang ƀuôn gưl dlông Nguyễn Văn Quảng mbĭt hŏng phung mgơ̆ng ruah phung bi ala bruă kƀĭn ala dôk hlăm êpul ruah khua mrô 1 čar Lâm Đồng bi tuôm leh hŏng mnuih ƀuôn sang ti dŭm boh ƀuôn hgŭm Đức Trọng, Hiệp Thạnh, Ninh Gia, Tà Hine, Tà Năng, Tân Hội lehanăn Gia Hiệp.
Ti anôk bi kƀĭn, ênoh klă klơ̆ng lehanăn klei čih hưn kơ klei hdĭp mơ̆ng phung mgơ̆ng ruah mâo bi êdah leh jih hdră mă bruă, klei ƀuăn tơdah djŏ ruah. Mnuih ƀuôn sang čar Lâm Đồng bi myuôm hdră mă bruă mơ̆ng phung mgơ̆ng ruah.
Blŭ hrăm ti anôk bi kƀĭn, khua knơ̆ng sang phat kđi gưl dlông Nguyễn Văn Quảng brei thâo, srăng mđrăm mbĭt hŏng gưl dlông hlue ngă tŭ jing klei bi kƀĭn prŏng Đảng 14, mdưm hlăm hdră mă bruă ti Lâm Đồng; đru mđrăm mbĭt hŏng čar ngă 6 bruă čuăn phŭn, lehanăn 3 bruă bluh đĭ hlăm wưng păn bruă 2025–2030.
Viết bình luận