VOV4.Êđê- Hlăm klei nao ngă bruă ti ƀuôn prŏng Isaka ala čar japon, Khua phŭn bruă mnuih ngă bruă, lehanăn phung knap mñai Đào Ngọc Dung nao čuă lehanăn mă leh bruă hŏng Êpul hgŭm dlăng kriê klei suaih pral mơ̆ng bruă mdrao mgŭn Oska, mâo klei bi tuôm hŏng phung khua kiă kriê, lehanăn phung duh mkra jum leh phung hriăm bruă tinei. Thŭn 2019, Phŭn bruă mnuih ngă bruă lehanăn phung knap mñai jao leh kơ anôk kiă kriê mnuih ngă bruă ti ala tač êngao lŏ dơ̆ng mâo klei kuôl kă hŏng Êpul hgŭm dlăng kriê klei suaih pral Oska, Japon.

Anei jing hdră ngă bruă êngao knŭk kna, hŏng ênoh bi liê ƀiă, mâo hdră hrŏng ruah hlăm klei mtăp mđơr, klă mngač, mnuih ngă bruă dưi mjuăt bi hriăm bruă, bi hriăm klei blŭ hŏng klei kjăp. Leh dua thŭn hmăi amâo mâo jăk mơ̆ng klei ruă tưp covid 19, truh akŏ thŭn 2022, 14 čô nao hriăm bruă mơ̆ng Việt nam tal êlâo ngă leh hră mơar nao hriăm ti Osaka. Čiăn gmprăp kơ gưl lŏ drông phung hđeh nao hriăm hlăm wưng kơ anăp, Êpul hgŭm bruă mdrao mgŭn Osaka bi leh bruă rŭ mdơ̆ng anôk dôk kơ phung hriăm dưi bi anăn jing “Hà Nội”. Êngao anăn, Êpul hgŭm lŏ mkra anôk hlăp mbul mrâo pioh kơ phung hriăm pral bi mưng hŏng dhar kreh Japon./.

          Pô mblang: Y-Khem Niê