VOV4.Êđê- Ƀri gưl nao ti anôk bi kƀĭn gưl dlông ASEAN – Mi ti ƀuôn prŏng Washington, ala čar Mi, Khua phŭn bruă duh mkra mnia mblei Việt Nam Nguyễn Hồng Diên ngă leh bruă dua nah hŏng phung khua kiă kriê Phŭn bruă răng mgang klei êđăp ênang ala čar Mi, lehanăn Anôk bruă ksiêm dlăng klei mŭt kbiă, lehanăn răng mgang knông lăn ala čar Mi, Khua hgĭt gai Êpul Grŭp bruă čhĭ hliê Walmart.

Khua phŭn bruă Nguyễn Hồng Diên brei thâo, knŭk kna lehanăn Phŭn bruă duh mkra mnia mblei Việt Nam čang hmăng mtrŭt mđĭ klei mjĕ mgiăm bruă duh mkra mnia mblei hŏng Mi, boh nik hlăm bruă tă kčoh, kyuadah anei jing bruă djŏ tuôm siă suôr hĭn hŏng klei hdĭp mda, lehanăn klei ba yua mnuih mă bruă ti Việt Nam. Djŏ tuôm hŏng dŭm mta mtrŭn kơ phŭn agha mnơ̆ng dhơ̆ng, Khua phŭn bruă akâo kơ dŭm anôk bruă djŏ tuôm ti Mi bi mkŏ mjing klei bhiăn hŏng klei klă mngač, mtăp mđơr ba wĭt klei tŭ dưn kơ mnuih ngă bruă Việt Nam, lehanăn klei tŭ dưn kơ bruă Việt Nam čhĭ mnơ̆ng kơ ala tač êngao./.

Pô mblang: Y-Khem Niê