VOV4.Êđê- Tlam mbrue (15/9), Êpul ngă bruă mơ̆ng phŭn bruă hâo hưn mâo Khua phŭn bruă Nguyễn Mạnh Hùng nao čuă lehanăn mă leh bruă hŏng čar Bạc Liêu kơ klei bi mlih mrô, lehanăn hlue ngă hdră êlan mđĭ kyar ƀuôn prŏng thâo mĭn. Blŭ hrăm ti anôk mă bruă, Khua phŭn bruă brei thâo, leh ksiêm yap car Bạc Liêu mâo hlăm brô 30 êbâo gŏ sang ƀun, giăm ƀun, kƀah đĭng blŭ thâo mĭn, phŭn bruă srăng đru 15 êbâo boh kơ hdră mkăp “Êlan pui kmlă kơ adei”.

Hŏng ênoh 15 êbâo adôk, khua phŭn bruă jao kơ 3 êpul êya dăng kông VinaPhone, Mobifone, Viettel srăng đru kơ čar. Jih jang klei čar Bạc Liêu akâo, Khua phŭn bruă jao kơ dŭm êpul bruă bi đru lehanăn ruh mgaih. Khua phŭn bruă mtă kơ čar Bạc Liêu ksiêm kơ bruă bi ktlah knơ̆ng bruă dhar kreh, hâo hưn, mjuăt asei mlei, lehanăn hiu čhưn ênguê jing knơ̆ng bruă hâo hưn mtô mblang./.

Pô mblang: Y-Khem Niê