VOV4.Êđê- Tlam mmăt hruê 1/7, Nguyễn Chí Dũng, Khua hlăm Anôk bruă Đảng gưl dlông, Khua Phŭn bruă Hdră kčah – Duh bi liê lehanăn Nguyễn Hồng Diên, Khua hlăm Anôk bruă Đảng gưl dlông, Khua phŭn bruă Tuh tia mnia mblei mbĭt hŏng êpul mă bruă mơ̆ng gưl dlông nao čhưn, mă leh bruă ti čar Dak Nông kơ bruă hluê ngă Hdră mtrŭn lehanăn Klei klah čŭn mơ̆ng Phŭn bruă kđi čar kơ hdră mđĭ kyar bruă duh mkra – ala ƀuôn, bruă lĭng kahan, răng mgang klei êđăp ênang krĭng lăn dap kngư.

Klah čŭn ti anôk mă bruă, Khua Phŭn bruă Hdră kčah – Duh bi liê lehanăn Nguyễn Chí Dũng lač, Dak Nông mâo leh klei tŭ yuôm mkă hŏng mta kñăm mâo kčah mtrŭn, bruă kđi čar, bruă răng mgang klei êđăp ênang dưi krơ̆ng kjăp, klei hdĭp mnuih ƀuôn sang, boh nik ti krĭng mnuih djuê ƀiă dưi mkra mđĭ. Khua phŭn bruă Nguyễn Chí Dũng mñă, Dak Nông brei mđĭ pral hdră čuăl mkă čar, djŏ hŏng hdră êlan mđĭ kyar mơ̆ng gưl dlông lehanăn dŭm phŭn, dhar bruă hưn mdah leh kñăm rơ̆ng klei đĭ kyar pral, h’ĭt kjăp mơ̆ng čar Dak Nông./.

                                                    Pô mblang: H’Nêč Êñuôl