Khua phŭn bruă Hồ Đức Phớc mă bruă hŏng phung Khua phŭn bruă Ngăn prăk hlăm Klei bi kƀĭn APEC 2023
Thứ ba, 15:25, 14/11/2023
VOV TAYNGUYEN
VOV TAYNGUYEN
VOV4.Êđê- Khua phŭn bruă Ngăn prăk Hồ Đức Phớc mâo leh mmông mă bruă dua nah hŏng Khua phŭn bruă ngăn prăk Australia, Khua kriê dlăng bruă ngăn prăk mơ̆ng Japin leh anăn Khua phŭn bruă Ngăn prăk Singgapore, ƀri gưl nao hlăm Klei bi kƀĭn Khua phŭn bruă Ngăn prăk APEC 2023, ti Mi.
Hlăm mmông drông Jim Chalmers, Khua phŭn bruă ngăn prăk Australia, dua Khua phŭn bruă bi trông kơ Hdră bruă Ngŏ Dhŭng Asi truh thŭn 2040 mơ̆ng Australia; bi hgŭm kơ klei bi mlih yan adiê leh anăn ngăn prăk hơĭt kjăp.
Hlue si Khua phŭn bruă Hồ Đức Phớc, Phŭn bruă Ngăn prăk Việt Nam čang hmăng Australia dlăng myuôm nanao klei bi hgŭm hŏng Việt Nam. Hlăm mmông drông khua bruă kriê dlăng ngăn prăk Japon Katsuo Yakura, Khua phŭn bruă Hồ Đức Phớc lŏ mñă klă klei bi hgŭm plah wah Knŭk kna Việt Nam hŏng Knŭk kna Japon kjăp leh anăn đĭ kyar nanao.
Viết bình luận