VOV4.Êđê - Tlam mbrue (22/6), Khua phŭn bruă hŏng tač êngao Bùi Thanh Sơn mâo leh klei bi blŭ hrăm hlăm đĭng blŭ hŏng khua phŭn bruă hŏng tač êngao Oman jing Sayyid Badr Bil Hamad Bil Hamood Al Busaidi.

Hlăm klei bi blŭ hrăm anei, dua čô khua phŭn bruă mâo leh klei bi tŭ ư ksiêm wĭt bruă hgŭm dua nah Việt Nam Oman mâo klei găl prŏng boh nik hlăm bruă duh mkra mnia mblei, bruă duh bi liê, klei kơ mnuih ngă bruă, bruă lŏ hma, hdang kan bruă kdrŭn ksĭ... Lehanăn bi trông kơ lu hdră čiăng bi kjăp lehanăn mđĭ hĭn klei tŭ dưn klei hgŭm dua ala čar hlăm wưng kơ anăp. Čiăng mjing klei hđuh prŏng kơ bruă hgŭm duh mkra mnia mblei lehanăn duh bi liê, mâo klei bi trông lu hĭn, mkŏ phung duh mkra dua nah, ngă nanao klei kuôl kă hgŭm bruă, kñăm bi leh jih jang bruă knuă djŏ hŏng klei bhiăn hgŭm bruă dua nah./.

Y-Khem pô mblang