VOV4.Êđê- Mmăt hruê 7/3, ti anôk Phŭn bruă hŏng tač êngao, Khua phŭn bruă hŏng tač êngao Bùi Thanh Sơn mâo leh klei bi trông hlăm đĭng blŭ hŏng Khua phŭn bruă hŏng tač êngao Rumani Bogdan Aurescu. Hlăm klei bi trông, Khua phŭn bruă hŏng tač êngao Bùi Thanh Sơn bi mklă Việt Nam dlăng myuôm leh anăn čang hmăng lŏ dơ̆ng bi êlam hĭn klei bi hgŭm hŏng hƀuê ênuk êbeh 70 thŭn plah wah Việt Nam leh anăn Rumani. Dua čô khua phŭn bruă bi trông leh lu hdră msir klă klơ̆ng kñăm mđĭ ktang pŏk mlar leh anăn bi êlam hĭn klei bi hgŭm mâo leh mơ̆ng đưm plah wah dua ala čar, hlăm anăn mâo bruă bi hgŭm mđĭ dŭm gưl hiu čhưn dưl dlông leh anan bi tuôm dŭm gưl, mđĭ lar klei kčĕ kđi čar, Knơ̆ng bruă bi hgŭm kơ bruă duh mkra, mnia blei leh anăn duh bi liê Việt Nam – Rumani, mđĭ ktang klei bi hgŭm bruă mtô bi hriăm, dhar kreh, hiu čhưn ênguê ăt msĕ mơh mđĭ dŭm bruă mâo klei găl mrâo msĕ si mnuih mă bruă, bruă lŏ hma.

Pô mblang: H’Zawut Ƀuôn Yă