Ti Sang drông tuê Knŭk kna, Khua phŭn bruă hŏng tač êngao Bùi Thanh Sơn bi trông leh hŏng Khua phŭn bruă hŏng tač êngao Chile. Dua čô Khua phŭn bruă hưn kơ boh klei grăp ala čar, bi trông kơ hdră msir mđĭ klei bi hgŭm kluôm Việt Nam - Chile, dŭm bruă krĭng wăl leh anăn lu ala čar mđing.

Dua tĭng bi trông leh anăn bi tŭ ư dŭm hdră msir kñăm lŏ dơ̆ng bi êlam hĭn klei bi hgŭm plah wah dua ala čar hlăm wưng kơ anăp, mâo bruă bi hgŭm mprăp kơ dŭm gưl nao čhưn gưl dlông, mđĭ lar boh tŭ klei bhiăn Đru kčĕ kđi čar leh anăn Êpul gơ̆ng mnia blei êngiê Việt Nam - Chile, bi hgŭm ruh mgaih klei gun kpăk hlăm klei bi hgŭm dua nah leh anăn mjing klei găl dưi ba čhĭ mnơ̆ng dhơ̆ng mơ̆ng dua tĭng.