Ti anôk drông, Khua phŭn bruă Bùi Thanh Sơn lač Việt Nam mâo nanao klei čang hmăng hyuă kjăp hĭn klei bi hgŭm hlăm djăp mta bruă hŏng Ai-len; đăo knang dŭm klei nao čhưn anăn, srăng hrăm mbĭt hŏng Ai-len bi ksiêm lehanăn mâo klei bi tŭ ưkơ hdră êlan, kñăm truh kơ klei bi hgŭm kjăp hĭn, mđĭ kyar prŏng, mtrŭn agha kjăp ba wĭt klei tŭ dưn kơ mnuih ƀuôn sang dua nah.

Khua mil čhil Mai-cồ Hê-gừn, lač Ai-len srăng mjing djăp klei găl čiăng đru kơ mnuih Việt Nam ñŭ kma, lŏ dơ̆ng bi đru mâo klei đĭ kyar jăk, mjing kdrông klei bi hgŭm dua nah. Khua gĭt gai dua ala čar mâo leh klei bi tŭ ư sa ai bi đru kơ klei bi kƀĭn lu tĭng, mghaih msir jih jang klei amâo mâo thâo bi djŏ, klei bi mmiă hŏng hdră êlan êđăp ênang, djŏ hŏng klei bhiăn phŭn mơ̆ng êpul hgŭm lu ala čar, lehanăn klei bhiăn tar rŏng lăn./.