VOV4.Êđê - Ti anôk bruă hŏng tač êngao, Khua phŭn bruă hŏng tač êngao Bùi Thanh Sơn drông leh K’iăng khua tal 1 Phŭn bruă hŏng tač êngao Mi, aduôn Wendy Sherman ƀri gưl hriê čhưn ti Việt Nam mŏng hruê 10-13/6/2022. Ti knăm anei, Khua phŭn bruă mñă klă, Việt Nam dlăng Mi jing sa hlăm dŭm ƀĭng hgŭm yuôm bhăn mrô sa, mprăp mbĭt hŏng Mi mtrŭt mđĭ klei bi mjĕ ƀĭng hgŭm kluôm dhuôm mŭt êlam hĭn, tŭ dưn, klă sĭt mpŭ kơ klei êngiê, klei kiă kriê kluôm ênŭm krĭng lăn lehanăn klei bhiăn bruă kđi čar hdơ̆ng găp. Dua tĭng bi trông kơ dŭm hdră msir klă klơ̆ng kñăm mtrŭt mđĭ hdră bi hgŭm hlăm bruă dua nah msĕ si bi trông êpul gưl dlông; gang mkhư̆ klei ruă tưp; lŏ krŭ wĭt bruă duh mkra – ala ƀuôn êdei kơ klei ruă tưp, bi trông bruă mnia mblei duh bi liê, msir mghaih klei truh mơ̆ng klei blah ngă, bruă rŭ mdơ̆ng anôk bruă bi ala. Dua tĭng ăt bi trông kơ bruă mâo krĭng lehanăn tar rŏng lăn dôk mđing msĕ si klei mĭn mrâo hlăm hdră bi hgŭm krĭng Asi – Pacifĭk lehanăn India Pacifĭk, klei Êa ksĭ Ngŏ, đĭ kyar h’ĭt kjăp lehanăn mđĭ hdră bi hgŭm ti krĭng krông Me Kông, boh klei Russia - Ukraine.

H’Nêč pô mblang