VOV4.Êđê- Khua phŭn bruă hŏng tač êngao Bùi Thanh Sơn klă klơ̆ng kčưm leh klei nao čuă ala čar Dhŭng Korea ƀri wưng nao hgŭm hlăm klei kƀĭn trông phung khua phŭn bruă hdră Ngŏ Dhŭng Asi mơ̆ng khua kiă kriê êpul êya bi mguôp leh anăn mđĭ kyar bruă duh mkra hluê si klei iêo jak mơ̆ng khua kiă kriê êpul anei, mơ̆ng hruê 9 – 11/02/2022. Păn bruă jing khua phŭn bruă hŏng tač êngao Việt Nam, anei jing klei nao čuă ala čar Dhŭng Korea tal êlâo mơ̆ng khua phŭn bruă hŏng tač êngao Bùi Thanh Sơn mơ̆ng hruê păn bruă. Klei mjĕ giăm jing ƀĭng hgŭm bi mguôp hdră êlan Việt Nam – Dhŭng Korea lŏ dưi rơ̆ng mâo boh tŭ dưn hlăm lu mta bruă, klei bi tuôm gưl dlông, dŭm gưl, dhar bruă, alŭ wăl dưi mkŏ mjing hŏng klei mbruă, lu jơr msĕ si nao čuă klă anăp, bi trông êlan online, blŭ hrăm êlan đĭng blŭ, bi tuôm hlăm klei kƀĭn lu tĭng. Việt Nam ăt jing ƀĭng hgŭm bi mguôp hlăm hdră êlan mđĭng kơ krĭng dhŭng mrâo mđĭ hĭn mơ̆ng Dhŭng Korea. 2 ala čar lŏ rơ̆ng bi sa ai hdơ̆ng pô, bi mguôp kjăp hlăm dŭm klei bi kƀĭn hlăm alŭ wăl leh anăn tar rŏng lăn.

Pô mblang: Y-Ƀel Êban