Tŭ ư klei iêo jak mơ̆ng Khua hlăm phŭn bruă kđi čar, Khua phŭn bruă hŏng tač êngao China Vương Nghị, Khua phŭn bruă hŏng tač êngao Bùi Thanh Sơn ba anăp êpul mơ̆ng Việt Nam nao hlăm klei kƀĭn trông. Blŭ hrăm hlăm klei kƀĭn, Khua phŭn bruă hŏng tač êngao Bùi Thanh Sơn mñă klă, Việt Nam dlăng yuôm bhăn leh anăn lŏ dơ̆ng đru mguôp kơ klei bi mguôp 6 lăn čar.

Mđing truh kơ mta kñăm mkŏ mjing êdei anăp jăk siam kơ mnuih ƀuôn sang, Khua phŭn bruă hŏng tač êngao bi êdah leh 4 êpul bruă mđung bi mguôp tal êlâo MLC hlăm wưng kơ anăp, hlăm anăn mâo mđĭ kyar dŭm bruă tuh tia trr knơ̆ng, ƀrư̆ ƀrư̆ mlih mơ̆ng mă bruă hŏng kngan, mkra mjing jing ksiêm duah leh anăn mkra mjing, mtrŭt mđĭ klei mlih mrô hong klei blŭ hrăm hdră êlan kơ bruă duh mkra mrô leh anăn klei êđăp ênang initernet, bi mguôp đĭ kyar ai dưi mrô, ƀuôn prŏng thâo mĭn, mlih mrô dŭm knơ̆ng bruă điêt leh anăn man dưn.