Ti dŭm anôk bi tuôm, phung mgơ̆ng ruah phung bi ala bruă kƀĭn ala gưl 16, mâo leh hdră mă bruă, bi êdah hdră êlan lehanăn klei ƀuăn, tơdah mâo mnuih ƀuôn sang đăo knang ruah pô.

Phung mgơ̆ng ruah bi klă hdră mă bruă mđĭng kơ klei mđĭ kyar bruă duh mkra ala ƀuôn ti ƀuôn prŏng Huế mbĭt hŏng bruă kriê pioh lehanăn mđĭ kyar knhuah gru dhar kreh jăk siam, mghaih msir djăp mta bruă nah gŭ hlăm ƀuôn prŏng, kơ klei hdĭp mda ala ƀuôn, klei bi hrŏ ƀun hŏng klei kjăp, đru hlue ngă tŭ jing klei bi kƀĭn prŏng Đảng ƀuôn prŏng Huế gưl 17, wưng păn bruă 2025 - 2030. Blŭ hrăm ti anăp mnuih ƀuôn sang Lê Hoài Trung mâo klei mơak dưi dôk ti anăp mnuih ƀuôn sang ti ƀuôn sang pô, lehanăn mâo bruă klam jing pô bi ala brei kơ mnuih ƀuôn sang hlăm anôk bruă kƀĭn ala.