Tŭ ư asăp jak iêô mơ̆ng Khua phŭn bruă hŏng tač êngao Ơ Rôp keh anăn bruă hŏng tač êngao Prăng Catherine Colonna, Khua phŭn bruă hŏng tač êngao Việt Nam Bùi Thanh Sơn nao čhưn klă sĭt ti Prăng mơ̆ng hruê 5-6/6/2023. Hlăm klei bi trông aguah 5/6, Khua phŭn bruă Bùi Thanh Sơn bi mklă Việt Nam dlăng myuôm klei bi hgŭm hŏng Prăng, ala čar hgŭm yuôm bhăn hlăm EU, ala čar hgŭm mơ̆ng Việt Nam hŏng lu klei mguôp kơ hƀuê ênuk, dhar kreh, anak mnuih.

Khua phŭn bruă Bùi Thanh Sơn mtă kơ Knŭk kna Prăng nao ai, mđĭ bruă kƀĭn ala Prăng hnưm bi mklă Klei kuôl kă răng mgang bi liê  Việt Nam - EU (EVIPA), mđĭ Knơ̆ng bruă Ơ Rôp (EC) hnưm lăm lui klei hưn brei răng hră kñĭ (IUU)mơ̆ng EC hŏng kan hdang Việt Nam. Dua Khua phŭn bruă ăt bi trông kơ dŭm bruă krĭng wăl, lu ala čar bi mđing, bi mklă lŏ dơ̆ng bi hgŭm kjăp leh anăn bi nao ai hlăm dŭm êpul bruă, klei bi kƀĭn lu tĭng, boh nik Êpul hgŭm lu ala čar leh anăn mđĭ jar bi hgŭm hdră bruă ASEAN - EU.