Ti anôk drông čhư̆n anăn, Khua phŭn bruă Lương Tam Quang bi myuôm bruă klam đru mguôp prŏng mơ̆ng khua bi ala, hlăm klei bi mguôp dua ala čar Australia - Việt Nam, boh nik mđĭ leh hnơ̆ng bi mguôp truh ti klei kluôm dhuôm, ƀri gưl khua knŭk kna Phạm Minh Chính nao čhưn kơ Australia hlăk mlan 3 leh êgao.

Čiăng mâo klei bi hgŭm jăk plah wah phŭn bruă kahan ksiêm lehanăn hŏng dŭm anôk bruă hlue ngă hdră bhiăn Australia, Khua phŭn bruă Lương Tam Quang čang hmăng dua nah lŏ dơ̆ng ngă nanao klei bi hgŭm tui si klei leh kuôl kă, mâo klei ksiêm duah lu hĭn hdră êlan bi trông kơ bruă răng mgang klei êđăp ênang, bi kdơ̆ng hŏng phung ngă soh hlăm hla pŏk. Lŏ dơ̆ng bi trông kơ phung ngă soh hluh lăn čar, kiă kriê klei mnuih mŭt kbiă mơ̆ng dua ala čar lehanăn klei mnuih đuĕ dôk soh hŏng klei bhiăn ngă amâo mâo hơĭt klei êđăp ênang kơ grăp lăn čar./.