Ti knăm anei, Khua phŭn bruă Lương Tam Quang brei thâo, hlăm wưng êgao, klei bi mjĕ dua nah Việt Nam – Mi mâo leh knhuang đĭ kyar jăk. Boh nik, ƀri gưl Khua mil čhil Joe Biden hriê čhưn ti Việt Nam, Mi lehanăn Việt Nam mkra mđĭ jing klei bi mjĕ Ƀĭng hgŭm phŭn kluôm dhuôm. Bi hgŭm hlăm hdră duh mkra, mnia mblei, duh bi liê plah wah Việt Nam – Mi jing gru mngač, boh kdrŭt yuôm bhăn mtrŭt mđĭ klei bi mjĕ dua ala čar.

Khua phŭn bruă Lương Tam Quang čang hmăng, Êpul hgŭm bruă tuh tia mkra mjing kdrăp hâo hưn mrâo mơ̆ng Mi, hŏng bruă klam jing êpul mâo kơhưm prŏng mơ̆ng Mi, bi mklin dŭm anôk bruă mrô sa hlăm tar rŏng lăn kơ kdrăp mrâo lehanăn hâo hưn, brei lŏ dơ̆ng mđĭ lar hĭn bruă klam jing kdrông mkŏ plah wah Knŭk kna lehanăn anôk bruă duh mkra dua ala čar čiăng mtrŭt mđĭ bruă duh mkra, mnia mblei, duh bi liê dua nah, boh nik jing hdră duh bi liê mơ̆ng dŭm anôk bruă duh mkra kdrăp hâo hưn mrâo dôk mrô sa mơ̆ng Mi ti Việt Nam./.