VOV4.Êđê- Tlam mbruê, 7/3 ti Hà Nội, Bruă Đảng kahan ksiêm gưl dlông, Phŭn bruă kahan ksiêm mkŏ mjing Hdră bi hdơr 112 thŭn hruê phung mniê dlông rŏng lăn 8/3/1910 - 8/3/2022) leh anăn bi tuôm hŏng phung bi ala phung mniê kahan ksiêm yang ƀuôn nao hlăm klei bi kƀĭn phung mniê kluôm ala tal XIII.  Blŭ hrăm ti anôk bi tuôm, Khua phŭn bruă kahan ksiêm Tô Lâm lač klă, Bruă Đảng kahan ksiêm gưl dlông, khua gĭt gai Phŭn bruă kahan ksiêm đăo knang leh anăn čang hmăng, dŭm gưl phung mniê hlăm Êpul kahan ksiêm yang ƀuôn lŏ dơ̆ng ngă pral, mbruă mlih mrâo ktang boh phŭn, hdră ngă bruă.

Klă klơ̆ng hŏng dŭm hdră bruă, gru hmô, bruă sĭt êdi, djŏ guôp hŏng klei mâo, ngă jăk bruă kcĕ kơ dŭm bruă kyua klei đĭ kyar phung mniê. Khua phŭn bruă Tô Lâm čang hmăng, grăp čô knuă druh, phung mniê brei thâo săng bruă klam, klei ngă bruă leh anăn čŏng ngă, bi hgŭm hlăm bruă ngă, ngă jăk hdră bruă phung mniê, mă anăn jing hdră kñăm gĭr ktưn, mtô bi hriăm leh anăn bi mklă pô.

Pô mblang: H’Zawut Ƀuôn Yă