Đại tướng Tô Lâm, Khua hlăm phŭn bruă kđi čar, Khua phŭn bruă kahan ksiêm gĭt gai knăm tŭ drông. Leh knăm tŭ tŭ drông, Khua phŭn bruă Tô Lâm leh anăn khua knơ̆ng gĭt gai Ahmad Reza Radan ngă klei blŭ hrăm.

Čiăng lŏ dơ̆ng ba klei bi mguôp plah wah Phun bruă kahan ksiêm Việt Nam leh anăn Knơ̆ng gĭt gai hluê ngă hdră bhiăn Iran đĭ kyar klă klơ̆ng, nao êlam hĭn, dua tĭng bi tŭ ư mđĭ hĭn klei bi trông êpul dŭm gưl, boh nik jing gưl dlông čiăng thâo klă klei čiăng, klei găl bi mguôp plah wah dua ala čar hlăm bruă răng mgang klei êđăp ênang, mđĭ klei hâo hưn, mtrŭt mđĭ klei bi mguôp ngă bruă, boh nik jing boh sĭt hlăm alŭ wăl leh anăn krĭng wăl dua tĭng dôk bi mđing, bi mguôp mgaih msir phung ngă soh hluh knông lăn, phung ngă soh djŏ tuôm hŏng mnuih ƀuôn sang dua ala čar.