VOV4.Êđê- Tlam mbrue (16/6), Khua phŭn bruă kahan ksiêm Tô Lâm drông čhưn leh hŏng Nadav Eshcar, Khua bi ala knŭk kna Israel ti Việt Nam, hriê kkuh čhưn leh jih wưng păn bruă ti Việt Nam. Ti anôk đrông čhưn anăn, Khua phŭn bruă kahan ksiêm Tô Lâm, hơêč hmưi kơ khua bi ala knŭk kna Israel mrâo jih wưng păn bruă anei ti Việt Nam hŏng klei jăk, mâo đru mguôp leh yuôm bhăn hlăm klei hgŭm dua ala čar hlăm anăn mâo klei hgŭm hŏng Phŭn bruă kahan ksiêm Việt Nam, lehanăn jih jang bruă dua nah hlăm mđing. Khua bi ala Nadav Eshcar bi mni lač jăk kơ Phŭn bruă kahan ksiêm Việt Nam, lehanăn kơ Khua phŭn bruă Tô Lâm kah leh ai tiê jăk siam kơ lăn čar Israel, lehanăn kơ asei ñu pô, hlăm wưng ñu dôk păn bruă ti Việt Nam, hơêč hmưi kơ klei bi mguôp dua nah lŏ hyua kjăp hĭn, mâo lu klei tŭ dưn jăk siam hĭn hlăm djăp mta bruă./.

Pô mblang: Y-Khem Niê