VOV4.Êđê - Tlam hruê 2/6, ti Hà Nội, Đại tướng Tô Lâm, Khua phŭn bruă kahan ksiêm drông leh Shawn Perry Steil, Pô bi ala kluôm mơ̆ng Canada ti Việt Nam, hriê kkuh ƀri gưl mphŭn wưng păn bruă ti Việt Nam. H’êč hmưi kơ Shawn Perry Steil hriê păn bruă ti Việt Nam, Khua phŭn bruă Tô Lâm brei thâo, klei bi mjĕ Việt Nam - Canada dôk đĭ kyar h’ĭt kjăp, klă sĭt, dưi mâo boh tŭ dưn hlăm dŭm đi čar – bruă hŏng tač êngao, bruă mnia mblei – duh bi liê, bi hgŭm mđĭ kyar, bruă lĭng kahan, bruă dhar kreh – mtô bi hriăm, bruă kreh knhâo, bi mjĕ mjuk.

Khua phŭn bruă Tô Lâm mtă hlăm wưng ti anăp, pô bi ala mđing mtrŭt mđĭ klei bi mjĕ plah wah Phŭn bruă kahan ksiêm mơ̆ng Việt Nam lehanăn Khua phŭn bruă răng mgang êpul êya Canada, Kahan ksiêm Canada lehanăn dŭm hdră bi hgŭm dua nah, lu tĭng, kñăm bi trông klei hâo hưn mkăp kơ hdră gang mkhư̆ phung ngă soh hluh knông lăn msir mghaih klei ngă soh./.

H’Nêč pô mblang