Hơêč hmưi kơ pô bi ala dưi bi leh jăk bruă klam ti Việt Nam, Khua phŭn bruă Tô Lâm yap yuôm bhăn dŭm klei đru mguôp mơ̆ng pô bi ala hlăm wưng păn bruă êgao, hluê anăn dưi đru yuôm bhăn hlăm bruă mtrŭt mđĭ klei mjĕ giăm ƀĭng hgŭm hdră êlan kluôm dhuôm Việt Nam – New Zealand, klei mjĕ giăm plah wah Phŭn bruă kahan ksiêm Việt Nam hŏng dŭm anôk bruă hdră bhiăn New Zealand.

Khua phŭn bruă Tô Lâm hmăng hmưi, hlăm wưng kơ anăp, dua tĭng srăng lŏ mtrŭt mđĭ hĭn klei kuôl kă bi mguôp plah wah Phŭn bruă kahan ksiêm Việt Nam leh anăn kahan ksiêm New Zealand kơ bruă gang mkhư̆ phung ngă soh hluh lăn čar bi klă leh ti thŭn 2019. Hmăng hmưi pô bi ala Tredene Dobson srăng lŏ mâo lu klei kčĕ kñăm mtrŭt mđĭ ktang klei bi mguôp plah wah dua ala čar hlăm lu mta bruă.