Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm gĭt gai knăm anei. Jing sa hlăm dŭm Phŭn, dhar bruă hur har nao êlâo hlăm bruă mkŏ mjing leh anăn bi kluôm klei kiă kriê, knŏng yap mơ̆ng mlan 11/2022 truh kơ ară anei, phŭn bruă kahan ksiêm gĭt gai čih mkra, hưn mdah hŏng bruă kƀĭn ala ba mdah 2 hdră bhiăn, hưn mdah hŏng bruă kƀĭn ala ba mdah sa hdră mtrŭn, hưn mdah hŏng bruă kƀĭn ala ksiêm dlăng, bi klă, brei klei blŭ mguôp hlăm klei kƀĭn tal 5 leh anăn srăng ksiêm dlăng bi klă hlăm klei kƀĭn tal 6 hŏng 2 hdră bhiăn jing Klei bhiăn êpul răng mgang klei êđăp ênang ti nah gŭ leh anăn klei bhiăn hră kak asei.

Blŭ gĭt gai klei kƀin trông, Khua phŭn bruă Tô Lâm mñă kơ Kahan ksiêm dŭm anôk bruă, alŭ wăl lŏ dơ̆ng hyuă kjăp, hluê ngă jăk, tŭ dưn dŭm hră mơar gĭt gai djŏ tuôm hŏng bruă mkŏ mjing, bi kluôm hdră bhiăn lăn čar.