VOV4.Êđê-Tlam mbruê 7/7 ti Hà Nội, Đại tướng Tô Lâm, khua phŭn bruă kahan ksiêm tŭ drông leh Trung tướng Vanthong Kongmany, khua hlăm bruă Đảng gưl dlông, k’iăng khua phŭn bruă kahan ksiêm Lào dôk hriê čuă ala čar Việt Nam. Hlăm mmông tŭ drông, khua phŭn bruă kahan ksiêm Tô Lâm Brei thâo, khădah 2 ala čar dôk mâo lu klei dleh dlan ti anăp klei tưp lar mơ̆ng klei ruă tưp Covid-19, ƀiădah klei mjĕ giăm ƀĭng hgŭm, boh nik jing klei bi mguôp plah wah 2 ala čar Lào – Việt Nam, plah wah phŭn bruă kahan ksiêm Việt Nam – Phŭn bruă kahan ksiêm Lào amâo mâo mdei klei đĭ kyar, êlam hĭn, mâo lu boh tŭ dưn klă sĭt. 2 tĭng lŏ dơ̆ng ba mdah hdră bi mguôp hlăm klei ngă bruă rơ̆ng klei êđăp ênang ala čar, klei êđăp ênang yang ƀuôn, bi mguôp hluê ngă dŭm hdră êlan rơ̆ng klei êđăp ênang kơ dŭm knăm prŏng, dŭm gưl nao čuă, klei mă bruă mơ̆ng phung khua gĭt gai gưl dlông 2 ala čar.

Pô mblang: Y-Ƀel Êban