VOV4.Êđê - Lŏ dơ̆ng hlăm klei mă bruă hlăm dŭm čar Lăn Dap Kngư, tlam mbrue (28/4) êpul ngă bruă mơ̆ng Dhar bruă djuê ana mâo Khua phŭn bruă, khua adŭ bruă djuê ana Hầu A Lềnh ngă khua êpul mâo leh mmông mă bruă hŏng knơ̆ng bruă sang čư̆ êa čar Daklak kơ bruă djuê ana, lehanăn hlue ngă hdră êlan djuê ana, boh tŭ dưn bruă mđĭ kyar klei duh mkra krĭng mnuih djuê ƀiă, lehanăn čư̆ čhiăng wưng thŭn 2021 - 2025 ti Daklak.

Leh mđing hmư̆ klei blŭ hlăm anôk ngă bruă, Khua phŭn bruă Hầu A lềnh bi myuôm dŭm klei gĭr mơ̆ng čar Daklak hlăm klei hlue ngă dŭm hdră êlan kơ djuê ana lehanăn hdră ala čar kñăm wưng leh êgao. Khua phŭn bruă mtă kơ čar lŏ mđing hĭn kơ klei jing hlăm alŭ wăl mnuih djuê ƀiă, čiăng bi mâo dŭm hdră êlan djŏ guôp, tŭ jing hŏng dŭm alŭ wăl, grăp djuê ana, gĭr kut kat mkŏ mjing hdră êlan bi jăk kñăm bi leh bruă čuăn./.

 Y-Khem pô mblang