VOV4.Êđê - Hruê 26/4, Êpul mă bruă mơ̆ng Dhar bruă djuê ana mâo Khua phŭn bruă, Khua Dhar bruă djuê ana Hầu A Lềnh ngă Khua êpul nao čhưn, mă bruă ti să Ia Mơr (kdriêk Čư̆ Prông, čar Gia Lai) kơ bruă hlue ngă, pŏk ngă hdră bruă djuê ana hlăm wưng êgao. Ia Mơr jing să knông lăn kdriêk Čư̆ Prŏng. Kluôm să mâo 5 alŭ, ƀuôn, hŏng 10 djuê ana hdĭp mda, hlăm anăn mnuih Jrai mâo êbeh 70%.

Să dôk kriê dlăng êbeh 14 êbâo ha dliê leh anăn lăn lŏ hma. Să dôk mđĭ ktang bruă iêô jak mnuih ƀuôn sang hgŭm phăn jao pla leh anăn răng mgang dliê, mđĭ nkyar bruă duh mkra lŏ hma – dliê kmrơ̆ng čiăng mđĭ prăk hrui wĭt.  Hlue si Khua phŭn bruă, Khua Dhar bruă djuê ana Hầu A Lềnh bruă djuê ana ti Ia Mơr hlăm wưng êgao mâo dŭm klei tŭ năng mni. Khădah, kyua lăn mkra mjing mnuih ƀuôn adôk ka đei jăk, êlan klông êdu kƀah, anăn klei hdĭp mnuih ƀuôn sang adôk dleh dlan. Hầu A Lềnh kčĕ hŏng alŭ wăl kơ dŭm hdră msir kñăm mđĭ lar dŭm klei găl, klei mâo, đru mđĭ pral bruă bi hrŏ ƀun, boh nik gŏ êsei ƀun mnuih djuê ƀiă; akâo kơ să mđing dlăng kriê pioh, mđĭ lar knhuah dhar kreh hjăn mơ̆ng grăp djuê ana hŏng bruă mkŏ mjing, mkra mđĭ klei bi hgŭm.

H’ Zawut pô mblang