VOV4.Êđê- Ƀri gưl Tết Nguyên đán Nhâm Dần, hruê 16/1, Khua phŭn bruă, Khua Dhar bruă djuê ana Hầu A Lềnh nao čhưn, mđup brei mnơ̆ng kơ gŏ êsei ƀun, gŏ sang knŭk kna dlăng ba leh anăn phung mâo kơhưm hlăm mnuih djuê ƀiă ti čar Bắc Kạn. Nao čhưn ti kdriêk Ngân Sơn, čar Bắc Kạn, Khua phŭn bruă, Khua Dhar bruă djuê ana mđup brei leh hnư mnơ̆ng mâo ênoh 50 êklăk prăk kơ Keh mtrŭt mjhar hriăm hră ti kdriêk.

 Tinei, Hầu A Lềnh ăt mđup brei 150 hnư mnơ̆ng kơ dŭm gŏ êsei mâo ai hŏng lăn čar, gŏ sang knŭk kna dlăng ba, gŏ êsei mâo klei hdĭp dleh dlan leh anăn phung mâo kơhưm hlăm êpul êya mnuih djuê ƀiă ti čar Bắc Kạn. Mă bruă hŏng khua gĭt gai čar Bắc Kạn, Khua phŭn bruă, Khua Dhar bruă djuê ana mtă kơ alŭ wăl lŏ dơ̆ng hluê ngă jăk dŭm hdră kñăm msĕ si hdră mkŏ mkra krĭng ƀuôn sang mrâo, Hdră kñăm ala čar bi hrŏ ƀun hơĭt kjăp… mđing mđĭ kyar bruă duh mkra mguôp hŏng hdră mđĭ hnơ̆ng klei hdĭp mnuih ƀuôn sang.

Pô mblang: H’Zawut Ƀuôn Yă