Khua phŭn bruă Phạm Thị Thanh Trà lač, Việt Nam jing lăn čar mâo lu klei đăo, hŏng 16 klei đăo mdê mdê, 36 êpul êya bruă klei đăo, 24 êklăk čô phung đăo, truh 27% ênoh mnuih, hlăm anăn klei đăo khop jing truh 7 êklăk čô mnuih. Jih jang dŭm klei đăo mâo klei thâo bi mguôp, mđrăm mbĭt hŏng djuê ana sua wĭt klei êngiê, lehanăn nao hlăm klei mlih mrâo, mđĭ kyar ênuk mrâo mrang.

Khua phŭn bruă Phạm Thị Thanh Trà lač, jing sa anôk bruă mơ̆ng knŭk kna kiă kriê kơ klei đăo, Phŭn bruă kiă kriê bruă knuă hlăm ala čar srăng lŏ mâo klei mđing hĭn, bi mguôp hŏng anôk bruă kiă kriê klei đăo khop Việt Nam, mjing djăp klei găl pioh mkŏ mjing anôk bruă bi ala mơ̆ng vatican ti Việt Nam dưi mă bruă. Khua phŭn bruă hŏng tač êngao vatican Paul Richard Gallagher đăo knang kơ êpul klei đăo khop Việt Nam srăng mâo lu klei bi mguôp hĭn hŏng Việt Nam. Lehanăn čang hmăng kơ anôk bruă bi ala vatican ti Việt Nam, mâo klei bi mguôp kjăp jih jang bruă dua nah, lehanăn mâo dŭm knhuang mđĭ kyar yuôm bhăn./.