Leh knăm tŭ drông, Đại tướng Phan Văn Giang leh anăn Đại tướng Tea Seiha hrăm mbĭt gĭt gai klei blŭ hrăm plah wah dua êpul. Dua tĭng tŭ ư bi klă, hlăm wưng êgao, klei mjĕ giăm bi mguôp bruă lĭng kahan plah wah 2 ala čar mâo lu boh tŭ dưn, lŏ dơ̆ng jing sa hlăm dŭm kmeh gơ̆ng yuôm bhăn hlăm klei mjĕ giăm plah wah dua ala čar.

Bi trông êpul dŭm gưl, boh nik jing gưl dlông dưi rơ̆ng tŭ dưn, dŭm hdră bi mguôp bruă lĭng kahan dưi mkŏ mjing leh anăn hluê ngă hur har, ba klei mjĕ giăm bruă lĭng kahan dua tĭng đĭ kyar wăt kơ boh prŏng leh anăn boh êlam. Hlăm wưng kơ anăp, dua tĭng tŭ ư mđĭ hĭn klei bi mguôp gĭt gai, lŏ dơ̆ng hluê ngă tŭ dưn hră mtrŭn wưng thŭn 2019 – 2024 leh anăn hdră êlan bi mguôp grăp thŭn, ba klei bi mguôp bruă lĭng kahan đĭ kyar ti hnơ̆ng mrâo, đru mguôp hur har hlăm klei đĭ kyar jăk siam, knhuah gru, bi mguôp kluôm dhuôm, kjăp leh anăn sui plah wah Việt Nam leh anăn Campuchia.