VOV4.Êđê- Tŭ ư asăp jak iêu mơ̆ng Khua phŭn bruă lĭng kahan Việt Nam, Đại tướng Phan Văn Giang, Khua phŭn bruă lĭng kahan India Rajnath Singh srăng mâo gưl hiu čhưn ti Việt Nam 3 hruê, mơ̆ng hruê 8/6 mgi. Hlăm gưl hiu čhưn, Khua phŭn bruă lĭng kahan India Rajnath Singh tĭng srăng nao čuă Msat Khua gĭt gai Hồ Chí Minh, bi trông hŏng Khua phŭn bruă Phan Văn Giang, nao kkuh Khua lăn čar Nguyễn Xuân Phúc lehanăn Khua knŭk kna Phạm Minh Chính. Dua khua phŭn bruă srăng tĭng dlăng hdră bi hgŭm bruă lĭng kahan plah wah dua ala čar hlăm wưng êgao lehanăn bi trông kơ dŭm klei mĭn mrâo kñăm mđĭ hdră bi hgŭm hlăm bruă anei. Hlăm gưl hiu čhưn, Khua phŭn bruă lĭng kahan India Rajnath Singh srăng nao dlăng knăm ba jao 12 boh hô̆ hiu suang dlăng hŏng hnơ̆ng pral dôk hlăm hdră brei čan blei kdrăp mnơ̆ng yua hlăm bruă lĭng kahan mâo ênoh 100 êklăk đolar mơ̆ng Knŭk kna India brei kơ Việt Nam. /.

                                                    Pô mblang: H’Nêč Êñuôl