Hlăm gưl nao čuă ala čar India,  Đại tướng Phan Văn Giang, Khua hlăm phŭn bruă kđi čar, K’iăng khua knơ̆ng gĭt gai lĭng kahan gưl dlông, Khua phŭn bruă lĭng kahan ba anăp êpul bi ala gưl dlông phŭn bruă lĭng kahan Việt Nam nao kkuh drông Khua mil čhil India aduôn Droupali Murmu ti ƀuôn prŏng phŭn New Delhi. Blŭ hlăm mmông bi tuôm, khua phŭn bruă Phan Văn Giang mñă klă, Việt Nam dlăng yuôm bhăn bruă bi kjăp leh anăn mđĭ kyar klei mjĕ giăm, ƀĭng hgŭm hdră êlan kluôm dhuôm hŏng India mâo leh khua gĭt gai Hồ Chí Minh leh anăn Khua knŭk kna Jawaharlal Nehru mdưm tur knơ̆ng leh anăn mâo dŭm gưl khua gĭt gai, mnuih ƀuôn sang dua ala čar ksul mbŭ.

Khua mil čhil India mñă klă, gưl nao čuă srăng bi kjăp hĭn klei mjĕ giăm ƀĭng hgŭm bi mguôp hdră êlan kluôm dhuôm plah wah 2 ala čar. Yap yuôm bhăn boh tŭ klei blŭ hrăm plah wah Khua Phŭn bruă lĭng kahan 2 ala čar, Khua mil čhil India mñă ktang klei mjĕ giăm bruă lĭng kahan lŏ dơ̆ng đoĭ kyar jăk, bi mguôp klă klơ̆ng, tŭ dưn, đru mguôp hlăm klei mjĕ giăm 2 ala čar.