Blŭ hrăm hlăm klei bi tuôm, Đại tướng Phan Văn Giang, Khua phŭn bruă lĭng kahan Việt Nam bi mklă, anei jing sa klei yuôm bhăn hƀuê ênuk, đru čih pŏl hră hƀuê ênuk mrâo mơ̆ng klei bi hgŭm knhuah gru, bi hgŭm kluôm plah wah tlâo ala čar. Đại tướng Chansamone Chanyalath, K’iăng Khua knŭk kna, Khua phŭn bruă lĭng kahan Lào bi mklă: Lĭng kahan tlâo ala čar brei jing êpul phŭn hlăm bruă mkŏ mjing, răng mgang, mđĭ kyar klei bi hgŭm yuôm bhăn plah wah tlâo ala čar.

Đại tướng Tea Seiha, K’iăng khua knŭk kna, Khua phŭn bruă lĭng kahan Campuchia mñă klă: Hdră bi hgŭm lĭng kahan tal sa tlâo ala čar Campuchia- Lào- Việt Nam jing klei găl čiăng kơ dŭm tĭng ksiêm dlăng bruă ngă, boh tŭ dưi mâo leh anăn lŏ bi mklă klei ƀuăn rơ̆ng kjăp hlăm bruă mđĭ klei bi hgŭm knhuah gru, riêng gah jăk siam ba klei tŭ dưn mbĭt kơ lăn čar leh anăn yang ƀuôn./.