Hluê si klei hưn, čar Gia Lai adôk tuôm hŏng lu klei dleh dlan kyua ka mâo klei bi klă kơ klei mbha čuê, mbah anôk, klei găl mbha čuê hlăm grăp mta lăn leh anăn ênhă điêt dưi dưi mbha čuê hŏng grăp mta lăn, ka mâo klei mtô klă klơ̆ng kơ bruă mlih ta kñăm yua lăn dliê jing bruă mkăn. Čar Gia Lai bi êdah hŏng knŭk kna, êpul khua bruă Đảng mgaih msir klei ksĭng mmiă lăn dliê mâo mơ̆ng êlâo truh kơ ară anei.

Bi êdah mkra mlih hdră bhiăn kơ lăn dliê, lăn ala jap kơ lăn dliê ka mâo dliê čiăng mđĭ kyar dliê, pla dliê. Blŭ bi klă hlăm mmông mă bruă, Khua phŭn bruă ngăn dŏ leh anăn wăl hdĭp mda Đặng Quốc Khánh mñă klă, hlăm wưng kơ anăp, Gia Lai čiăng uêñ mĭn hlăm bruă răng kriê lăn ala, mgaih msir bruă yua lăn djŏ hŏng hdră bhiăn. Lŏ dơ̆ng hluê ngă bruă čih hră ktrâo anôk, hdră mơar kơ lăn leh anăn dŭm klei čih poih hŏng klei tŭ dưn.