VOV4.Êđê - Tlam 22/4, Đại tướng Tô Lâm, Khua hlăm Phŭn bruă kđi čar, Khua hlăm phŭn bruă kahan ksiêm, gĭt gai leh Klei bi kƀĭn tal 2 Anôk bruă gĭt gai ksiêm wĭt Hdră mtrŭn gưl dlông tal 8 gưl XI kơ Hdră răng mgang čar kwar hlăm boh klei mrâo mơ̆ng Phŭn bruă kahan ksiêm. Blŭ hrăm hlăm klei bi kƀĭn, Khua phŭn bruă Tô Lâm bi mni kơ klei gĭr ktưn phung hlăm Anôk bruă gĭt gai, boh nik Anôk bruă gĭt gai hlăm wưng êgao mjêč bi leh dŭm hră mơar čiăng êdi čiăng ktrâo lač kơ kahan ksiêm dŭm anôk bruă, alŭ wăl hlue ngă.

Kơ boh phŭn ksiêm wĭt, Khua phŭn bruă Tô Lâm mtă brei kƀĭn ksiêm dlăng boh klei kđi čar, bruă duh mkra dlông rŏng lăn; dŭm klei lông dlăng arưp aram kơ klei êđăp ênang ala čar Việt Nam, bi mklă hlăm 10 thŭn êgao Êpul kahan ksiêm yang ƀuôn msir mgaih leh ya mta bruă, ya bruă ka dưi bi leh; klei tŭ hlue ngă klei mĭn, bruă klam, hdră msir hlăm Hdră mtrŭn gưl dlông tal 8 gưl XI.

H’Zawut pô mblang