Tŭ drông êpul bi ala hriê čuă leh anăn mă bruă ti Việt Nam, Khua phŭn bruă Tô Lâm yap yuôm bhăn bruă Anôk bruă kahan ksiêm êa ksĭ Dhŭng Korea đru mkăp brei  kdrăp yua hiu suang dlăng kơ Phŭn bruă kahan ksiêm Việt Nam.

 Khua phŭn bruă Tô Lâm mñă klă anei jing tur knơ̆ng yuôm bhăn hlăm bruă ba klei mjĕ giăm, bi mguôp mơ̆ng 2 anôk bruă nao klă klơ̆ng, tŭ dưn, djŏ guôp hŏng klei găl, klei čiăng mơ̆ng 2 tĭng hŏng dŭm boh klei dôk bi mđing, hluê ngă hdră ngă bruă Ƀĭng hgŭm bi mguôp hdră êlan kluôm dhuôm 2 ala čar. Kim Byung Ro mñă klă, Anôk bruă kahan ksiêm êa ksĭ Dhŭng Korea srăng đru kơ bruă hriăm mjuăt, mđĭ klei thâo kơ Kahan ksiêm êlan êa Phŭn bruă kahan ksiêm Việt Nam čiăng ngă phŭn kŭm păn suang dlăng mơ̆ng Kahan ksiêm êa ksĭ Dhŭng Korea mkăp brei.