VOV4.Êđê - Hrue mbrue (9/3), ti Hà Nội, Đại tướng Tô Lâm, Khua phŭn bruă kahan ksiêm drông leh Êpul duh mkra gưl dlông, Êpul Gơ̆ng duh mkra Mi hŏng ASEAN mâo Ted Osius, jing khua Êpul bruă hlŏng jing khua êpul hriê čua mă bruă ti Việt Nam. Ti anôk drông anăn Khua phŭn bruă Tô Lâm bi myuôm klei hgŭm bruă dua nah Việt Nam – Mi hlăk mâo klei đĭ kyar jăk. Mbĭt hŏng klei mđĭ kyar bruă duh mkra, bruă răng mgang klei êđăp ênang, klei hgŭm duh mkra mnia mblei hlăk dôk ngă bruă hŏng klei tŭ dưn, mjing leh atur mtrŭt mđĭ klei bi mguôp dua nah. Khua phŭn bruă Tô Lâm bi klă hdră êlan sa anăn mơ̆ng knŭk kna Việt Nam jing rơ̆ng klei hơĭt kjăp kơ jih jang phung duh bi liê mơ̆ng ala tač êngao, hlăm anăn mâo phung duh mkra Mi hriê duh mkra mnia mblei sui thŭn mlan hŏng Việt Nam./.

Y-Khem pô mblang