VOV4.Êđê- Tlam mbrue (18/8), ti Hà Nội, Đại tướng Tô Lâm, Khua phŭn bruă kahan ksiêm mâo leh mmông drông čhưn hŏng Sugi Ryotaro khua bi ala êlâo dih kơ bruă hgŭm japon Việt Nam – Việt Nam – Japon. Ti anôk drông, Khua phŭn bruă Tô Lâm mñă Phŭn bruă kahan ksiêm čang hmăng dưi mkŏ mjing klei bi tuôm lu gưl, mđĭ hĭn klei bi mguôp hlăm bruă bi kdơ̆ng hŏng klei ngă soh, lehanăn mjuăt bi hriăm mnuih ngă bruă kơ kahan ksiêm Việt Nam – kahan ksiêm Japon hriê čhưn lehanăn mâo klei bi mguôp dhar kreh. Khua phŭn bruă Tô Lâm čang hmăng mâo klei bi mguôp kjăp hŏn hŏng Japon, mđĭ hĭng klei bi hgŭm bruă, hgŭm đru kơ Việt Nam./.

Pô mblang: Y-Ƀel Êban