Leh knăm tŭ drông, 2 čô khua phŭn bruă mkŏ mjing klei blŭ hrăm. Tŭ drông Êpul bi ala gưl dlông Phŭn bruă kiă kriê bruă knuă Cuba hriê čuă leh anăn mă bruă hŏng Phŭn bruă kahan ksiêm Việt Nam, Khua Phŭn bruă Tô Lâm mñă klă, ti anăp klei mâo lu phung ngă soh, boh nik jing phung ngă soh hluh ala čar, phung ngă soh yua kdrăp mrâo mrang, ƀrư̆ hruê ƀrư̆ mnêč leh anăn dleh bi kdơ̆ng, bruă pŏk mlar leh anăn mđĭ hĭn klei bi mguôp plah wah Phŭn bruă kahan ksiêm Việt Nam leh anăn Phŭn bruă kiă kriê bruă knuă Cuba jing năng mjêč hĭn kyua klei tŭ leh anăn klei êđăp ênang grăp ala čar.

Hlăm klei blŭ hrăm, 2 tĭng bi tŭ ư: Mđĭ hĭn klei bi trông, kah mbha klei hriăm, kdrăp yua leh anăn mtô mjuăt phung ngă bruă răng mgang, boh nik jing mtô mjuăt hdră gang mkhư̆, hmao ƀuh, gang mkhư̆ klei mĭn ngă măk ƀai…Hluê ngă klei bi mguôp mkra mjing dŭm mta êa drao, vaccine, kdrăp sinh học, hlăm anăn mâo dŭm mta êa drao leh tŭ jing leh anăn ba yua mdrao mgŭn ti Cuba.