Leh knăm drông khua phŭn bruă Tô Lâm mbĭt hŏng êpul khua prŏng phŭn bruă ksiêm dlăng ala čar Rusia mâo leh klei bi trông, tinăn dua nah bi tŭ ư kơ boh tŭ dưn klei hgŭm dua nah hlăm djăp mta bruă.

Lŏ bi tŭ ư ngă bi tŭ jing bruă hgŭm plah wah phŭn bruă kahan ksiêm Việt Nam hŏng phŭn bruă dlăng kriê lăn čar Russia wưng thŭn 2022 – 2024, mâo leh klei kuôl kă hlăk mlan 5 thŭn 2022, lŏ dơ̆ng bi trông kơ lu bruă ka dưi ngă, lehanăn mkŏ mjing klei bhiăn đru mgang phung duh mkra, mnuih nao hriăm lehanăn mnuih ƀuôn sang mơ̆ng ala čar dôk ngă bruă, hriăm lehanăn hdĭp mda ti ala čar adih, rơ̆ng kơ klei dưi êngiê djŏ klei bhiăn mơ̆ng mnuih ƀuôn sang dua ala čar, čŏng bi đru gang mkhư̆ klei ngă soh, ba klei amâo mâo êđăp ênang kơ ala čar dua nah./.