Hơêč hmưi pô bi ala dưi ngă tŭ jing bruă klam ti Việt Nam, Khua phŭn bruă Tô Lâm lač klă, Phŭn bruă kahan ksiêm čih yap dŭm klei gĭr mơ̆ng Pô bi ala dưi đru bi kjăp, mđĭ kyar klei mjĕ hriăm ƀĭng hgŭm bi mguôp hdră êlan kluôm dhuôm Việt Nam – Japon, hlăm anăn mâo Phŭn bruă kahan ksiêm hŏng dŭm anôk bruă hdră bhiăn Japon.

Čiăng lŏ dơ̆ng mtrŭt mđĭ klei bi mguôp Việt Nam – Japon đĭ ti hnơ̆ng mrâo, Khua Phŭn bruă Tô Lâm mñă kơ dua tĭng mđĭ hnơ̆ng tŭ jăk klei bi trông, bi mguôp kjăp hlăm dŭm mta bruă, gang mkhư̆ phung ngă soh, đru kčĕ, mâo klei hâo hưn yuôm bhăn truh kơ khua gĭt gai gưl dlông dua ala čar. Pô bi ala hơêč hmưi kơ klei bi mguôp, bi hgŭm Việt Nam – Japon ƀrư̆ hruê ƀrư̆ đĭ kyar, mñă klă, leh wĭt kơ lăn čar, hlăm djăp bruă păn, srăng lŏ dơ̆ng uêñ mĭn, mtrŭt mđĭ klei mjĕ giăm anei ƀrư̆ hruê ƀrư̆ êlam leh anăn kjăp hĭn.