VOV4.Êđê - Tlam hruê 8/4, ti Hà Nội, Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm drông leh Trung tá Pedro Soca Pascual, bi ala Phŭn bruă ksiêm dlăng hlăm ala čar Cuba ti Việt Nam. Blŭ hrăm ti knăm anei, Khua phŭn bruă Tô Lâm mñă klă, hlăm wưng êgao, khădah klei ruă Covid 19 hmăi amâo djŏ điêt truh kơ hdră bruă, hdră kčah bi hgŭm bruă mơ̆ng dua khua phŭn bruă ƀiădah dua anôk bruăgĭr msir mghaih leh klei dleh dlan čiăng pŏk ngă tŭ dưn dŭm hdră bruă yuôm bhăn hŏng hdră online lehanăn klă anăp. Khua phŭn bruă Tô Lâm bi mni kơ boh tŭ hdră bi hgŭm plah wah Phŭn bruă kahan ksiêm Việt Nam lehanăn Khua phŭn bruă ksiêm dlăng hlăm ala čar Cuba hlăm wưng ti anăp. Čiăng mtrŭt mđĭ êlam hĭn klei bi mjĕ hgŭm bruă, Khua phŭn bruă Tô Lâm mtă kơ dua anôk bruă lŏ dơ̆ng hluê ngă tŭ dưn hdră bi hgŭm plah wah Phŭn bruă kahan ksiêm Việt Nam lehanăn Khua phŭn bruă ksiêm dlăng hlăm ala čar Cuba mâo bi mklă leh hlăm mlan 11/2017./.

H’Nêč pô mblang