Hlăm mlan, kahan ksiêm dŭm anôk bruă, alŭ wăl dưi ksiêm duah, bi rai êbeh 3 êbâo klei ngă soh kơ klei êđăp ênang yang ƀuôn, mă êbeh 6 êbâo 300 čô. Gĭt gai hmao ƀuh êbeh 2 êbâo klei ngă soh, mă kơ̆ng 3 êbâo 469 čô ngă soh mă tŭi, hrui êbeh 67kg heroin, êbeh 217 kg leh anăn 89 êbâo asăr matui. Blŭ hlăm klei kƀĭn trông, Khua phŭn bruă Tô Lâm mtă kơ kahan ksiêm dŭm anôk bruă, alŭ wăl čiăng ngă jăk hĭn bruă klam răng mgang klei êđăp ênang ala čar, čŏng pô ktuê dlăng boh sĭt tar rŏng lăn, alŭ wăl kñăm hmâo hâo hưn hŏng Đảng, knŭk kna mâo dŭm hdră êlan djŏ guôp.

Răng mgang klei êđăp ênang ala čar, bruă duh mkra, hlăm wăl mạng, klei êđăp ênang bruă kđi čar, klei mŭt kbiă…Mtrŭt bi hmar bruă ksiêm duah dŭm klei ngă soh dôk hlăm klei dưi Êpul gĭt gai bruă gang mkhư̆ klei ƀơ̆ng ngăn, klei amâo mâo djŏ. Čŏng pô hluê ngă dŭm hdră êlan gang mkhư̆, bi kdơ̆ng hŏng klei ngă soh mrâo bluh mâo, boh nik phung ngă soh hlăm êlan klông, phung brei čan mnga ktrŏ, phung ngă soh hlăm mblah hla pŏk, knăm bi kdơ̆ng hŏng phung ngă soh kơ ma tŭi.