VOV4.Êđê- Hruê 18/4, ti Hà Nội, Anôk bruă gĭt gai ksiêm wĭt 10 thŭn hlue ngă Hdră mtrŭn gưl dlông 8 gưl XI kơ Hdră răng mgang čar kwar hlăm boh klei mrâo mơ̆ng Phŭn bruă kahan ksiêm mkŏ mjing klei bi kƀĭn tal sa. Đại tướng Tô Lâm, Khua hlăm phŭn bruă kđi čar, Khua kahan ksiêm, Khua Anôk bruă gĭt gai klei bi kƀĭn.

Khua phŭn bruă Tô Lâm bi mklă, bruă ksiêm wĭt 10 thŭn hlue ngă Hdră mtrŭn gưl dlông 8 gưl XI jing yuôm bhăn snăk, boh nik hlăm boh klei dlông rŏng lăn, krĭng wăl leh anăn hlăm ala čar mâo lu klei bi mlih êlam mkă hŏng 10 thŭn êlâo adih, kčah klei čiăng, klei mĭn, bruă klam mrâo hlăm bruă răng mgang čar kwar. Khua phŭn bruă Tô Lâm mtă kơ dŭm anôk bruă djŏ tuôm mjêč gĭt gai ksiêm dlăng hlue si bruă klam, boh nik klei huĭ hyưt, klei lông dlăng hŏng bruă răng mgang klei êđăp ênang ala čar ară anei, mơĭt kơ Anôk bruă gĭt gai čiăng bi leh klei ksiêm hriăm mơ̆ng Phŭn bruă kahan ksiêm hlăm Klei bi kƀĭn kluôm ala ksiêm dlăng, pŏk ngă ksiêm wĭt Hdră mtrŭn./.

Pô mblang: H’Zawut Ƀuôn Yă