Blŭ hrăm hlăm mmông mă bruă, Khua phŭn bruă Tô Lâm hơêč hmưi, bi mni kơ boh tŭ bruă Đảng, bruă sang čư̆ êa leh anăn mnuih ƀuôn sang čar Ninh Bình mâo leh hlăm wưng êgao. Khua phŭn bruă Tô Lâm mtă kơ čar lŏ dơ̆ng păn kjăp klei gĭt gai mơ̆ng bruă Đảng gưl dlông, Knŭk kna, bruă kƀĭn ala, boh nik pŏk ngă tŭ dưn Hdră mtrŭn 30 mơ̆ng Phŭn bruă kđi čar kơ klei mđĭ kyar bruă duh mkra- ala ƀuôn, rơ̆ng klei êđăp ênang krĭng dap mnai Krông Hồng truh thŭn 2030, hnơ̆ng trah dlăng truh thŭn 2045. 

Hŏng bruă hlue ngă bruă klam mđĭ kyar bruă duh mkra- ala ƀuôn, Khua phŭn bruă Tô Lâm mtă kơ čar Ninh Bình brei mđing mđĭ kyar bruă duh mkra, iêô jak bi liê, hiu čhưn ênguê leh anăn hdră bruă. Mđĭ lar, ba yua klei găl, iêo mkrum ai ktang mnuih ƀuôn sang čiăng mkŏ mjing mđĭ kyar bruă duh mkra- ala ƀuôn ti alŭ wăl./.