Đại tướng Tô Lâm, Khua phŭn bruă kahan ksiêm nao lehanăn blŭ hrăm ti anôk anăn. Jing anôk ba akŏ hlăm bruă mjuăt bi hriăm kơ kahan ksiêm, mâo leh êbeh 77 thŭn rŭ mdơ̆ng lehanăn mđĭ kyar, sang hră anei mâo leh êbeh 30 thŭn ngă klei mjuăt bi hriăm êdei kơ gưl prŏng.

Blŭ hrăm ti knăm anei, Khua phŭn bruă kahan ksiêm Tô Lâm mtă kơ sang hră anei lŏ dơ̆ng ngă kjăp hĭn tui si klei Đảng, knŭk kna kiă kriê, mlih mrâo hdră mjuăt bi hriăm, djŏ hŏng hdră êlan kčah čua, mđĭ bi kjăp êpul kahan ksiêm boh nik ti gưl êdei kơ gưl prŏng, kñăm čiăng dưi mâo sa êpul kahan ksiêm kjăp ktang doh mngač, knhăk hlăm bruă knuă, bi leh bruă čuăn hlăm ênuk mrâo mrang./.