Tlam hrue 4/6, bruă kbĭn ala lŏ dơ̆ng ngă klei êmuh lehanăn wĭt lač klei êmuh hlăm bruă tuh tia mnia mblei. Phung bi ala akâo kơ khua phŭn bruă Nguyễn Hồng Diên hlak mblang bi mngač djăp mta klei êdu kƀah, gang mkhư̆ klei ngă soh, kñăm čiăng truh kơ kơ bruă mkŏ mjing klei duh mkra mnia mblei hŏgn elektronik, mâo dŭm hdră elan ruh mgaih kơ phung duh mkra, bi kơrŭ wĭt bruă duh mkra.

Khua phŭn bruă Nguyễn Hồng Diên brei thâo: Hlăm dŭm thŭn êgao, bruă duh mkra mnia mblei hŏng elektronik ti Việt Nam lo mâo klei đĭ kyarr kjăp kah knarr mơ̆ng 20- 25% grăp thŭn, Việt Nam mâo dăp hlăm êpul 5 ala čar mâo klei đĭ kyarr pral dlông rŏng lăn, mâo klei duh mkra mnia mblei hŏng elektronik êbeh 20 êklai đô la. Khua phŭn bruă lŏ mblang klei tŭ dưn mơ̆ng bruă ksiêm dlăng, mđĭ klei tŭ dưn kơ mnuih blei yua mnơ̆ng, ngă jăk dŭm hdră êlan răng kriê klei tŭ dưn hŏng mnuih yua mnơ̆ng. Bi kơ klei kiă kriê mnơ̆ng dhơ̆ng čhĭ hŏng êlan online, phŭn bruă tuh tia mnia mblei srăng gĭt gai kjăp bruă kiă kriê klei mnia mblei, lehanăn mghaih msir, phat mkra ktang klei nga soh./.