VOV4.Êđê - Ti anôk bi kƀĭn kơ bruă Hưn mthâo klei bi mklă mơ̆ng Khua phŭn bruă kahan ksiêm mkŏ mjing ti Anôk bruă kahan ksiêm čar Gia Lai, Đại tá Lê Văn Hà – K’iăng khua anôk bruă kahan ksiêm čar Gia Lai dưi tiŏ nao ngă bruă ti knơ̆ng bruă kahan ksiêm knhăk (hlăm Phŭn bruă kahan ksiêm), păn ngă K’iăng khua gĭt gai knơ̆ng bruă.

 Đại tá Lê Văn Hà tuôm jing K’iăng khua knơ̆ng bruă nah tluôn – hdră kdrăp, Knơ̆ng gĭt gai lĭng kahan knhăk (Phŭn bruă kahan ksiêm). Mlan 11/2018, Hà mâo Phŭn bruă kahan ksiêm tiŏ nao ngă K’iăng khua anôk bruă kahan ksiêm čar Gia Lai. Mơ̆ng hdră mă bruă ti Gia Lai, Đại tá Lê Văn Hà pral čŏng pô ksiêm hriăm, ba yua dŭm klei kčah mtrŭn, gĭt gai dŭm anôk bruă bi leh jih bruă klam mâo kčah jao. Dŭm boh tŭ hlăm hdră mă bruă mơ̆ng Đại tá Lê Văn Hà mâo leh Phŭn bruă kahan ksiêm, bruă Đảng čar, anôk bruă sang čư̆ êa čar Gia Lai čih pioh, bi mni./.

H’Nêč pô mblang