VOV4.Êđê -  Tlam hruê 21/1, K’iăng khua anôk bruă kƀĭn ala Nguyễn Đức Hải nao čhưn, h’êč hmưi leh Têt ti čar Kon Tum. Mă bruă hŏng phung khua kiă kriê čar lehanăn Êpul bi ala anôk bruă kƀĭn ala čar Kon Tum, K’iăng khua anôk bruă kƀĭn ala Nguyễn Đức Hải čih yap, bi mni kơ dŭm gru mngač êdah êdi čar Kon Tum dưi mâo hlăm wưng dôk bluh mâo klei ruă Covid 19.

K’iăng khua anôk bruă Nguyễn Đức Hải čang hmng čar Kon Tum mŭt hlăm thŭn mrâo lŏ dơ̆ng mđĭ lar dŭm knhuah gru dhar kreh djuê ana; Duh bi liêba yua jăk găl krĭng thơ̆ng pla ana mkra mjing êa drao, êdah êdi jing sâm Ngọc Linh. Ƀri gưl anei, K’iăng khua anôk bruă kƀĭn ala Nguyễn Đức Hải mbĭt hŏng Êpul mă bruă mđup brei leh mnơ̆ng kơ gŏ êsei ƀun, gŏ êsei knŭk kna dlăng ba, mnuih mâo k’hưm 75 êklăk prăk, mđup brei mnơ̆ng kơ gŏ êsei ƀun mâo klei hdĭp dleh dlan 500 êklăk prăk; mđup brei 200 hnư mnơ̆ng grăp hnư 1 êklăk prăk lehanăn 250 êbâo prăk hnư mnơ̆ng kơ phung đoàn viên, mnuih mă bruă mâo klei hdĭp dleh dlan./.

H’Nêč pô mblang